بقلم الزجال محمد الطويل
شفت فمنامي
فارسة أحلامي
واقفة قدامي
من بعيد صيفطت لها سلامي
من بعيد كنشرح لها كلامي
شفتها نور يضوي فظلامي
شفتها قمر ما يوصفوهش قلامي
شفتها
القمة في الاحتشامي
قلت أنت شرابي وطعامي
انت راحة نفسي و عظامي
تشجعت وطلعت كمامي
تبهرت واعلنت استسلامي
قلت هذه أخر أيامي
يحكم عليا بوها بالاعدامي
يقول هادي فعايل حرامي
وخى مافياش علامات الاجرامي
لكن هادي علامات حبي وغرامي
اسمح ليا نجيب بويا وعمامي
راني بغيت بنت تكون مدامي
قال الله ينعل الشيطان الحرامي
نوض تحرك من قدامي
فقت من أحلامي
مسخسخ فعظامي
طارت فارسة أحلامي
محمد طويل حاصل على الباك اداب عصرية
حاصل على باك حر علوم انسانية
حاصل على الاجازة في علم النفس
حاصل على الاجازة فالفلسفة
حاصل على دبلوم مدرب المخيمات الصيفية