بقلم الزجال محمد الطويل
سيادنا طلبو التسليم
راه فبلادنا حطمو التعليم
أسعدات لي قرا فالنظام القديم
كانت القراية وكان التنظيم
كانت الاخلاق وكان السلوك قويم
اليوم نصليو الجنازة على التعليم
سياسة الدولة سياسة التحطيم
رجع هم الاستاذ هو الترسيم
رجع هم التلميذ هو الجنس والحريم
رجع همهم هو الشات مع سوسن وكريم
بوسائل التواصل دارو لينا التنويم
والمخدرات رجع عندها شان عظيم
السيف رجع مسطرة لرسم مستقيم
ساحات المؤسسات تعرفوا بالاجرام والتجريم
سيادنا طلبو التسليم
حتى لغتنا خصها الترميم
اليوم مانقدروش نكتبو خطاب سليم
اليوم مانقدروس نقولو كلام فالصميم
لغة الشات رجعات لغة التحكيم
سيادنا طلبو التسليم